Një aksident me pasojë vdekjen e një personi, ka ndodhur pasditen e sotme në Tiranë.
Sipas uniformave blu mësohet se ngjarja ka ndodhur në aksin Vorë-Rinas, ku një 45-vjeçar është përplasur me një automjet dhe si pasojë ka humbur jetën në spital.
“Më datë 23.12.2024, rreth orës 18:50, në aksin rrugor Vorë-Rinas, mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A.
Si pasojë e aksidentit, drejtuesi i mjetit “Fiat”, shtetasi Q.H., pasi u transportua në spital për ndihmë mjekësore, ka ndërruar jetë”, njofton policia.
Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të aksidentit./Opinion.al
