Një grua 58-vjeçe u përplas për vdekje pasditen e sotme në Tiranë. Aksidenti ndodhi rreth orës 19:05, në rrugën “Dritan Hoxha”, tek semafori qe kthehesh për në Laprakë.
Policia tha se automjeti që kreu aksidentin është me targa AA 422 MS, ndërsa drejtuesit të mjetit i publikon vetëm inicialet A. C.
Gruaja që ka humbur jetën A. B., 58 vjeçe ka tentuar të kalojë në kryqëzim kur u përplas nga makina. Ajo u dërgua në Spitalin e Traumës që ndodhet vetëm pak metra larg, por nuk mundi të mbijetojë.
“Grupi hetimor po punon për zbardhjen e rrethanave të aksidentit. Drejtuesi i mjetit është ndaluar në flagrancë dhe është shoqëruar nga shërbimet e Qarkullimit Rrugor Tiranë”, thuhet në njoftimin zyrtar.
