Një aksident i rëndë rrugor është regjistruar në Shkodër, ku si pasojë një 28-vjeçar ka humbur jetën.
Policia bën me dije se ngjarja ka ndodhur në vendin e quajtur “Muri i kalasë”, në lagjen “Liria”. I riu ka humbur kontrollin mbi drejtimin e automjetit dhe për pasojë automjeti ka dalë nga rruga.
Për shkak të plagëve të marra nga ky aksident 28-vjeçari humbi jetën.
“Shkodër/Informacion paraprak
Mbrëmjen e djeshme, në vendin e quajtur “Muri i kalasë”, në lagjen “Liria”, shtetasi Sh. B., 28 vjeç, banues në lagjen “Liria”, duke drejtuar automjetin tip “Dayang”, ka humbur kontrollin mbi drejtimin e automjetit dhe për pasojë automjeti ka dalë nga rruga. Për shkak të dëmtimeve të marra nga ky aksident, 28-vjeçari ka humbur jetën”-njofton policia.
