Një këmbësor është përplasur për vdekje nga një automjet në aksin rrugor “Plepa-Kavajë”.
Aksidenti ka ndodhur pas mesnate rreth orës 00:50. Viktima është L.D. 63 vjeç, njofton policia.
Sa i përket automjetit, është ende i paidentifikuar pasi drejtuesi është larguar nga vendngjarja.
“Rreth orës 00:50, në rrugën dytësore “Plepa-Kavajë”, dyshohet se një automjet ende i paidentifikuar ka aksidentuar shtetasin këmbësor, L. D., 63 vjeç, i cili si pasojë ka humbur jetën.
Shërbimet e Policisë po punojnë për identifikimin dhe kapjen e autorit”,-njofton policia.
Ndërkaq, grupi hetimor po punon për zbardhjen e rrethanave të rastit./Opinion.al
