Një 71-vjeçar ka humbur jetën në orët e para të mëngjesit të sotëm në Fushë Krujë, si pasojë e një aksidenti.
Ai ishte duke lëvizur me motoçikletë, kur është përplasur nga një automjet “Benz” me drejtues shtetasin L.K., 37 vjeç.
Për pasojë, 71-vjeçari me iniciale H.T., ka ndërruar jetë.
Fushë Krujë/Informacion paraprak
Më datë 15.08.2020, rreth orës 05:35, në Fushë Krujë, mjeti tip “Benz”, me drejtues shtetasin L.K., 37 vjeç, është përplasur me një motoçikletë me drejtues shtetasin H.T., 71 vjeç, i cili për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e ngjarjes.
Drejtuesi i mjetit është shoqëruar në ambjentet e Policisë për veprime të mëtejshme.
