Një aksident me tre të plagosur ka ndodhur këtë të mërkurë në hyrje të qytetit të Libohovës.
Makina e tipit Benz me targa AA290DR, ka dalë nga rruga dhe për pasojë kanë mbetur të plagosur tre pasagjerët R.K, R.Sh dhe E.M, banues në Nepravishtë.
Të aksidentuarit po marrin ndihmën mjekësore në spitalin e Gjirokastrës dhe fatmirësisht ndodhen jashtë rrezikut për jetën.
Në timonin e mjetit ishte një 23-vjeçar (L.K), i cili u shoqërua në komisariat. Ndërkohë në vendngjarje shkoi grupi hetimor, që po punon për zbardhjen e shkaqeve të aksidentit.
