Një aksident i rëndë ka ndodhur në orët e para të ditës në zonën e Metalurgjikut në Elbasan. Pasi doli nga rruga mjeti u përplas me portën e një servisi dhe murin rrethues, më pas shpërtheu në flakë. Shoferi është djegur brenda makinës.
Sipas burimeve, aksidenti ka ndodhur në aksin Elbasan – ish Kombainati Metalurgjik, rreth orës 2:20 të mëngjesit.
Dyshohet se si pasojë e shpejtësisë tej normave të lejuara, makina ka dalë nga rruga dhe është përplasur me murin rrethues dhe portën e një servisi.Emri i viktimës ende nuk është bërë i ditur nga policia e Elbasanit. /Opinion.al
