Tre të rinj janë plagosur në një aksident që ka ndodhur në orët e para të ditës sotme në aksin rrugor Lezhë-Milot.
Informacionet paraprake bëjnë të ditur se në afërsi të një karburanti, drejtuesi i një Benzi ka humbur kontrollin e mjetit dhe për pasojë ka dalë nga rruga.
Është dëmtuar vetë drejtuesi i mjetit, T.Ll dhe pasagjerja S. G, 17 vjeçe të cilët po marrin mjekim në spitalin e Lezhës. Ndërsa pasagjeri tjetër, A. R, 23 vjeç ndodhet në QSUT në Tiranë, jashtë rrezikut për jetën.
Njoftimi i policisë
Aksidenti ndodhi rreth orës 05:45 në afërsi të një karburanti, kur automjeti tip “Benz” me targa AA 025 MH ka dalë nga rruga.
Makina drejtohej nga 26-vjeçari T.Ll., i cili është plagosur sëbashku me pasagjerët S.G. 17 vjeçe, dhe A.R. 23-vjeç.
Dy të parët po marrin ndihmën e specializuar në Spitalin Rajonal Lezhë ndërsa i treti u dërgua në Q.S.U. Tiranë.
Grupi hetimor po punon në vendngjarje për zbardhjen e plotë të shkaqeve te aksidentit.
