Biznesi i vogël nuk do të ndëshkohet me gjobë nga tatimet deri në fund të këtij viti. Kështu ka urdhëruar ministri i Financave Arben Ahmetaj përmes një shprese drejtuar Drejtorisë së Përgjithshme të tatimeve. Aty thuhet se tatimet duhet të ndihmojnë biznesin për deklarimin e tvsh-së dhe të shmangin masat ndëshkuese.
“Strukturat përgjegjëse në varësi të DPT duhet të asistojnë bizneset për të korrigjuar gabimet në deklarim duke shmangur gjobat dhe penalitetet deri në fund të vitit 2018”, thuhet në letër.
Sipas kreut të Financave do të jetë në përgjegjësi të administratës tatimore të konstatojë çdo deklarim të vonuar apo mosdeklarim të bizneseve që hyjnë në TVSH.
“Deri në 15 korrik, që përbën momentin e parë të deklarimit për biznesin e vogël, administrata tatimore duhet të kontaktojë detyrimisht me çdo subjekt që preket nga ndyrhsimet ligjore duke asistuar tatimpaguesit të deklarojnë në kohë dhe të shmangin parregullsitë”, vijon letra.
Nga 1 prilli bizneset me xhiro mbi 2 milionë lekë në janë të detyruara të deklarojnë dhe paguajnë tatim mbi vlerën e shtuar. Shumë biznese janë ankuar për TVSH madje dy ditë më parë ulen qepenat në shenje proteste.
