Ministri për Rindërtimin, Arben Ahmetaj, i cili është përgjegjës edhe për koordinimin dhe menaxhimin e situatës financiare që po sjellë kjo krizë, ka deklaruar se buxheti i shtetit vetëm këtë muaj ka një humbje prej 70 milionë dollarësh.
Në një intervistë për News 24, Ahmetaj komentoi paketën e masave ekonomike të bërë publikë ditën e djeshme nga kryeministri Rama dhe vuri theksin në faktin se ajo synon “tre element kryesore: të jetë një ndërhyrje për shtresat në nevojë, pë rata që humbin punën përkohësisht për shkak të situatës dhe agresivitetit të përhapjes së virusit, të ketë në dorë instrumente financiarë, që t’i përgjigjen menjëherë situatës, të afrojnë një lehtësi të konsiderueshme për të gjitha sipërmarrjet, që për shkak të ndagalësimit serioz ekonomik, të kenë mundësi të financojnë punonjësit.”
Ahmetaj e përshkroi situatën tepër kritike pasi sic tha ai nuk kemi të bëjmë vetëm me rrezikun e sëmundjes nga virusi por është edhe risku i instrumenteve financiare. Plani A që përfshin një fond 1.54% të GDP është i konsiderueshëm sipas tij por megjithatë pasiguria se sa kohë do të zgjasë kjo situatë do të kërkojë fonde shtesë duke rënduar kështu barrën financiare.
Ai deklaroi se vetëm këtë muaj shteti llogaritet të humbë 70 milionë euro nga frenimi i aktivitetit ekonomik dhe kjo shifër rrezikon të dyfishohet muajn tjetër nëse situata nuk ndryshon.
“Vetëm këtë muaj shohim një rënie të mundshme deri në 70 milionë dollar dhe muajt e tjerë goditja mund të dyfishohet. Është njëlloj si një plagë e rëndë në trup, që fillon humbet gjak. Masat e marra nga qeveria mbrojnë qytetarin nga virusi”, tha Ahmetaj. /Opinion.al
