Deputetët e opozitës, PD dhe LSI janë larguar nga mbledhja e Komisionit të Ekonomisë. Shkak për këtë u bë një debat mes deputetit të LSI, Spahiu dhe kreut të Komisionit, Erion Braçe.
Deputeti i LSI kërkoi informacion nga ministri i Financave që ishte i pranishëm në mbledhje lidhur me gjyqet ndërkombëtare që po humbet Shqipëria të cilat do i kushtojnë buxhetit të shtetit 2 milionë euro.
Përparim Spahiu duke iu referuar shkrimeve në media, tha se “nëse humbasim 2 milionë euro është shifër e frikshme, ndaj duam shpjegim se çfarë po ndodh me këto gjyqe”.
Erion Brace i tha se nuk lexon gazeta ndaj duhet të bazohet në fakte kur ngre pyetje për ministrin. Ai nuk e kurseu as ironinë duke i thënë deputetit të LSI se e ke hallin tek Beketi. (Francesco Becchetti pronari i televizionit te mbyllur Agon Channel)
Më pas Braçe, pyeti Ahmetajn nëse kishte diçka për të thënë për këtë çështje, por ministri refuzoi. Në këto kushte, të gjithë deputetët e opozitës u ngritën nga karriget. ” Po na hidhni hi syve”, tha në fund deputeti i LSI, Spahiu. /Opinion.al
Lexo edhe: Shkresa e Ministrisë së Drejtësisë: Po humbasim 2 milione euro në arbitrazhet nderkombetare
