Kreu i Partisë Agrare Ambientaliste, Agron Duka i ftuar në emisionin “Xing me Ermalin” në Tv Klan foli edhe për politikën, partia e cila ai drejton është në koalicion me opozitën.
Ai tha se edhe në zgjedhjet e 18 Qershorit do të hyjë me opozitën dhe se ka refuzuar kërkesën e kryeministrit Edi Rama për t’iu bashkuar koalicionit të majtë.
A ta ka lyp Rama ndonjëherë?
Ma ka lyp edhe publikisht bile. Ne kemi pirë një kafe bashke para 3-4 muajsh, një nga temat ishte edhe e lypmja (politikisht them që se kshu s’të jap ndonjë…) qesh
PS vazhdimisht na thotë që ju jeni parti me prejardhje të majtë, ju mirëpresim që të hyjmë në zgjedhje bashkë. Kjo është e lypmja. Herën e fundit ma ka lyp përmes Ballës në konventën e Partisë Agrare Ambientaliste. Përgjigja ishte që ne jemi në aleancë me PD do vazhdojmë të shkojmë në zgjedhjet parlamentare me to.
Ai ka shprehur edhe mall për kohën kur në skenën politikë ishte ende Fatos Nano, dhe tregoi se si ky i fundit e nxiti t’i hynte politikës.
“Edhe kur kam hy në politikë kam hyrë i sforcuar, kam hyrë nga një njohje personale me Fatos Nanon, por pasi hyra, kur ke marrëdhënie personale me njerëzit kur ke mundësi të bësh ndere, kjo të bën të lumtur. Kurrë s’kam menduar se unë mund të jepja kontribut në politikë.
Të ka marrë malli për kohën e Fatos Nanos?
Sigurisht, unë njohjet personale, futja në politikë ka qenë prej Fatos Nanos, keshtuqë atëherë isha më komod, kam qenë ministër, njeri i fuqishëm, anëtar i kabinetit qeveritar.
Sa lekë jep për 5 vota?
Do menduar mirë.
A kane edhe biznesmenët borxhe?
Të gjithë kanë borxhe.
