Elseid Hysaj do të largohet Napolit. Lajmi është konfirmuar nga vetë agjenti i mbrojtësit të kombëtares shqiptare, Mario Giuffredi.
Agjenti i shqiptari tha se largimin e dëshiron dhe Hysaj pasi mendon koha e tij te jugorët ka mbaruar.
“Hysaj ka shprehur dëshirën e tij për t’u larguar, pasi beson se koha e tij në Napoli ka përfunduar pas katër vjetësh dhe ai dëshiron një përvojë të re. Ai do të largohet, ka ekipe që janë të interesuara, megjithatë, klubi do të duhet të ulë çmimin e kërkuar 40 milionë euro. Ata kanë një drejtues sportiv të zgjuar në Giuntoli dhe ai e di se Hysaj dëshiron të largohet, kështu që ata e dinë se do të duhet të gjejnë një zgjidhje për situatën”.-u shpreh Giuffredi në “In Casa Napoli” në “TV Piuenne”.
Ndërkohë, interes për Hysaj kanë shfaqur skuadra si Atletico Madrid dhe Chelsea./ Opinion.al E.Xh.
