TIRANË – Operatorët turistike që janë ankuar vazhdimisht për çmimin e lartë të biletave të avionëve këtë radhë ia kanë bërë kritikat në sy ministrit të Ekonomisë, Arben Ahmetaj.
“Ulja e tarifave të shërbimeve aeroportuale do të ndikonte në uljen e cmimit te biletave për qytetaret”, janë shprehur ata, teksa i kerkuan Qeverisë të shohe këto tarifa pasi jane me te lartat në Europë.
Ministri ka përsëritur premtimin që e bën prej tre muajsh se do të rishikohen tarifat. “Ështe arritur marrëveshja me koncesioanrin për heqjen e ekskluzivitetit dhe ccmimet e tarifave do të shikohen ne nje faze te dyte”.
Shqipëria vazhdon të ketë çmimet më të shtrenjta të biletave për qytetaret. Ne jemi i vetmi vend në rajon që nuk ofron shërbimin e fluturimeve “low cost” për qytetarët. Ky shërbim ofrohet edhe në vende si Maqedonia e Kosova me një fluks shumë herë më të ulët të udhëtarëve.
