Vera e vitit 2023 ishte më e nxehta e regjistruar ndonjëherë, tha të mërkurën agjencia e motit e OKB-së.
“Ishte gushti më i nxehtë në histori dhe muaji i dytë më i nxehtë ndonjëherë pas korrikut 2023,” sipas Organizatës Botërore Meteorologjike të OKB-së (WMO) dhe Shërbimit të Ndryshimeve Klimatike të BE-së Copernicus.
“Hemisfera veriore sapo pati një verë ekstremesh,” tha në një deklaratë Sekretari i Përgjithshëm i WMO Petteri Taalas, duke kujtuar zjarret dhe valët e të nxehtit.
“Në hemisferën jugore shtrirja e akullit të detit Antarktik ishte kryefjala e problemit dhe temperatura globale e sipërfaqes së detit ishte përsëri në një rekord të ri,” shtoi ai.
Sekretari i Përgjithshëm i OKB-së, Antonio Guterres, nga ana e tij, tha:
“Planeti ynë sapo ka duruar një sezon zierjeje, e cilësuar si vera më e nxehtë në histori” dhe paralajmëroi kundër “përhapjes së klimës”.
Shkencëtarët kanë paralajmëruar prej kohësh se çfarë do të çlirojë varësia jonë nga karburantet fosile dhe I kërkohet udhëheqësve të ndërmarrin veprime dhe të gjejnë zgjidhje.
Carlo Buontempo, drejtor i Shërbimit të Ndryshimeve Klimatike Copernicus, tha se 2023 ishte viti i dytë më i ngrohtë i regjistruar, sipas të dhënave tashmë tetë mujore.
Nivelet rekord dhe ndikimet e tyre si tek njerëzit ashtu edhe në planet tregojnë qartë “ngrohjen e sistemit klimatik”, tha ai./Opinion.al
