Kuvendi i Maqedonisë së Veriut zgjodhi, këtë të martë, kryetar të ri të parlamentit, Afrim Gashin.
Deputeti Gashi vjen nga radhët e koalicionit “Vlen” dhe për zgjedhjen e tij si drejtues i parlamentit votuan 76 deputetë pro dhe gjashtë kundër.
Afrim Gashi, është propozuar për kryetar të Kuvendit me firmat e 75 deputetëve të VMRO-DPMNE-së, Koalicionit VLEN dhe Lëvizjes ZNAM.
Pas marrjes së postit të ri, Gashi bëri reagimin e parë në rrjetet sociale. Ai u shpreh se do të vazhdojnë të përmbushin detyrimet ndaj qytetarëve.
“Ju faleminderit të gjithëve për mbështetjen. Vazhdojmë t’i përmbushim detyrimet tona ndaj qytetarëve. Urime për të gjithë partnerët dhe miqtë”, shkroi ai në Facebook.
