Afërdita Dreshaj ka arritur të marrë vëmendjen mediatike, pas dasmës së saj të madhe në Amerikë, me partnerin e saj prej vitesh Jackub Kindl. Ajo është një modele e suksesshme, ndërsa partneri i saj një sportist i njohur i Hockey. E kemi kuptuar që janë shumë të lumtur, dhe shumë të dashuruar nga postimet e shumta të Afërditës, por asnjëherë nuk e kemi ditur, si janë njohur ata të dy.
Këtë e ka rrëfyer për herë të parë Afërdita, në një intervistë për revistën “Who”. Ajo ka treguar se si Jackub e pa rastësisht në restorant, teksa festonte ditëlindjen e motrës së saj, dhe më pas ai bëri shumë përpjekje për ta kontaktuar modelen simpatike.
“Jemi njohur në një restorant sushi… Unë isha vetëm për tre ditë në Michigan dhe kisha dalë atë mbrëmje për një darkë, sepse ime motër Jehona, kishte ditëlindjen. Përballë nesh ishte një tavolinë me dy djem, të cilët na qerasën, ne i falenderuam, u përshëndetëm me ta dhe vazhduam.
Pas asaj mbrëmjeje Kubi kishte bërë gjithçka për të gjetur numrin tim të telefonit. I ishte lutur pronarit të restorantit, që ne e kishim mik, por ai nuk ia kishte dhënë. I kishte treguar vetëm emrin tim dhe Jakub, kishte nisur kërkimet dhe mesazhet në rrjetet sociale. Më kishte shkruar në ‘Facebook’, por ajo adresë nuk ishte e vërtetë. Pastaj kish nisur të më ndiqte në ‘Twitter’ dhe të më bënte ‘retweet’, sepse nuk më dërgonte dot mesazh aty, pa e ndjekur dhe unë. Disa ditë më vonë unë isha në aeroport për të shkuar nga Chicago në Miami për punë dhe vetëm aty shikoj një adresë të verifikuar që më bënte ‘retëeet’ për të më fituar vëmendjen. Në atë moment fillova dhe unë ta ndiqja në ‘Tëwtter’ e Jakub më dërgoi mesazh dhe aty filloi çdo gjë. “, është shprehur ajo.
