Dy muaj më parë modelja Afërdita Dreshaj do të merrte propozimin për martesë nga i dashuri i saj hokeisti çek, Jakub Kindl. Ai e surprizoi në një tarracë të mbuluar nga lulet dhe qirinjtë romantikë, aty ku e priste me kutinë e unazës në duar.
Tashmë çdo gjë është pranë finalizimit, pasi modelja ka njoftuar ditën e dasmës me anë të ftesave që ka përgatitur. Krahas datës 29 qershor, ajo ka treguar edhe cilat do ta shoqërojnë në altar në këtë ditë të shënuar. Ajo ka zgjedhur të ketë pranë saj në ditën më të rëndësishme të jetës mikesha dhe familjare të saj, duke nisur nga modelet Tika Camaj e Xhesika Berberi, motrën e saj Jehona Dreshaj, e shumë të tjera.
Ndërkohë mediat kanë publikuar ftesën e dasmës së Afërditës, ku modelja shfaqet në krahët e Jakubit buzë detit, e veshur me xhinse dhe bluzë të bardhë.
