Partia Demokratike do të paraqesë sot në Prokurorinë e Posaçme Anti-Korrupsion një padi ndaj sekretarit të Përgjithshëm të Këshillit të Ministrave Ëngjëll Agaçi, në lidhje me aferën e Inceneratorëve.
Në një deklaratë për mediat, deputetja e PD Ina Zhupa deklaroi se Agaçi është denoncuar në SPAK për shkak të shkeljeve ligjore që sipas saj, ai i ka kryer me vetëdije të plotë.
Zhupa tha se me anë të komisionit hetimor të inceneratorëve PD arriti që t’i provonte shqiptarëve që Edi Rama iu ka vjedhur 430 mln euro.
“PD ka vite që denoncon aferën e incenratorëve. Por me anë të komisionit hetimor të inceneratorëve ne arritëm që t’i provonim shqiptarëve që Edi Rama ka vjedhur shqiptarëve 430 mln euro.
Sot do t’ju sqaroj provat që PD ka paraqitur në një padi penale që do të paraqitet sot në SPAK në lidhje me rolin, funksionin e z.Engjëll Agaçi në koncesionin e Elbasanit, në shkeljet ligjore që janë me vetëdije të plotë në rolin e tij si sekretar i Përgjithshëm i Këshillit të Ministrave”,-tha Ina Zhupa.
