TIRANE- Genc Ruli është paditur në prokurori nga ministri aktual i Energjisë Damian Gjiknuri, duke e akuzuar për marrëveshjen për privatizimin e OSSH tek ccekët. Ruli ka reaguar për këtë padi, duke u shprehur kështu: “Është një çudi hipotetike që ngrihet. Në gati 6 vjet të historisë që nga privatizimi e deri te dështimi i CEZ, kapen vetëm dy pikat kulmore, njëra e fillimit që është ministri i privatizimit, Genc Ruli dhe tjetra, ministri i fundit i PD, Florion Mima”.
Më tej, Ruli ngre disa pikëpytje që Qeveria duhet t’ju përgjigjet: “Pse është kjo ndërprerje në mes e katër ministrave të LSI-së që sot janë ortakët e PS-së, që ka menaxhuar dështimin dhe korruptimin maksimal të CEZ? Është vallë ndjesë ndaj Metës që bën Rama që hapi çështjen e DIA-s? Apo është një kompromis mes Metës dhe Ramës për të mos e hapur kurrë çështjen ÇEZ?”.
Sipas tij, për ta hetuar CEZ-in që nga gjeneza e deri në fund dhe në mënyrë të paanshme dhe madje të besueshme për publikun shqiptar, do të ishte një hetim ndërkombëtar.
