Një modele adoleshente ka rrëfyer anën e errët të industrisë së modës nëpërmjet një serie postimesh në Instagram.
Jazz Egger ka filluar modelingun që në moshën 13 vjeçare si pjesë e konkursit Next Top Model në Gjermani.
19 vjeçarja me origjinë nga Austria, por që jeton tani në Londër, dëshiron që njerëzit të kuptojnë se çfarë ndodh prapa skenave, përveç presionit për të qenë nën peshë.
Në postimet e saj ajo ka përdorur hashtagun # truthbehindthisshot, e vërteta pas fotove, duke akuzuar kështu agjencitë e modelingut për sjellje mizore.
“Po vazhdoj të qëndroj në Instagram pasi regjisorët e fotosesioneve më pyesin sesa ndjekës kam”-tregon ajo në postimin e saj.
Ajo ka treguar sesi agjencitë e modelingut i kanë kërkuar të humb peshë nëse dëshiron të marr pjesë në Javën e Modës në Londër.
