Administrim i provave shkresore, në këtë mënyrë ka vijuar seanca gjyqësore për rrëmbimin dhe më pas vrasjen e Gazmend Çollakut. Nga analizat e paraqitura në gjykatë ka rezultuar se gjaku i gjetur në makinën në vendngjarje ku u gjet Gazmend Çollaku nuk i përket as Denis Shtrazës dhe as Ervin Dalipajt.
Ndërkohë këtë seancë pritej dhe shfaqja e pamjeve lmike të kamerave te sigurisë të parkingut te pallatit ku u rrëmbye Çollaku. Këtë here këto pamje nuk u bënë të mundura të shfaqen për shkak të një defekti teknik në kompjuterin e gjykatës, dhe shfaqja e tyre pritet të behet në seancën e radhës.
Për vrasjen dhe më pas zhdukjen e Gazmend Çollakut aktualisht ndodhet i arrestuar vetëm Denis Shtraza. Ndërkohë ky i fundit ka mohuar lidhjen me këtë ngjarje.
