Ish-kryeministri Sali Berisha gjatë një interviste për një televizion kosovar ka kujtuar takimin e tij me komandantin e UÇK-së Adem Jashari.
Berisha ka përgënjeshtruar se Adem Jashari është arrestuar në Shqipëri, duke theksuar se në vendin tonë janë lejuar ngritjet e kampeve të UÇK-ës që nga viti 1991 deri në vitin 1993
Pjesë nga prononcimi i z. Berisha
“Kampet e stërvitjes së UCK kanë nisur në gjysmën e dytë të 1991 dhe vijuan deri në vitin 1993. Kam patur dijeni dhe janë mbrojtur në kuvertën e refugjatit. Çdo gjë ka qenë në dijeni e Bujar Bukoshit, Rugovës dhe qeverisë në Kosovë.
Nuk bënim asnjë veprim përveçse atyre që kërkonte qeveria e Kosovës. Këtu kishte ministri mbrojtje, financash, që të gjitha ishin në autoritetin e qeverisë së Kosovës. Nuk ka patur asnjë aktivitet jashtë kontrollit të qeverisë në Kosovë. Arrestimet e Thaçit dhe Jasharit? “Komandati legjendar nuk ka qenë kurrë i arrestuar. Unë kam një foto me të dhe 40 e ca luftëtarë. E ka publikuar shoqata Sali Çekaj. Për rreth dy orë jam takuar me të, në fillim të viteve 90 dhe janë të ndarë të lumtur nga unë. Gjysmën e kohës do të punoj për Kosovën dhe gjysmën për Shqipërinë, iu thashë.
Një njeri është arrestuar, gabimisht, dhe është liruar, Zahir Pajaziti. U kap aksidentalisht nga rojet e kufirit në Has. E kanë burgosur, më njoftuan dhe u pyet qeveria e Kosovës. Kërkoi lirimin e tij. Kaq është historia. Ai është arrestuar për probleme ordinere. Ali Uka, shok dhome me të, u vra në mënyrë barbare. U arrestua për therjen e Ukës që punonte te Gazeta Shqiptare. Kush e vra? Nuk e di. Sigurisht që Thaçiu është thirrur, por a ka patur lidhje a jo, nuk e di”,-tha Berisha./ Opinion.al E.Xh.
