Nesër bëhen plot 20 vjet, nga vrasja e Adem Jasharit, heroit legjendar të Ushtrisë Clirimtare të Kosovës, i cili u sulmua nga ushtria serbe në banesën e tij, në një masaker ku humbën jetën 58 anëtarë të kësaj familjeje, duke përfshirë edhe 18 gra e fëmijë nën 16 vjec.
Një ditë para datës së kësaj masakre, këngëtarja Adelina Ismajli, me bashkëshortin e saj Val kanë vizituar kompleksin memorial “Adem Jashari” dhe varrin e heroit.
Përmes një postimi në rrjetet sociale, këngëtarja shkruan: “Sakrifica më sublime, është sakrifica për të tjerët”.
Adelina e kishte vizituar varrin e Adem Jasharit edhe në ditën e Pavarësisë, nga ku uronte Kosovën për 17 shkurt.
Pas kthimit nga Zvicra, këngëtarja është angazhuar në jetën artistike të Kosovës, si aktore në serialin “O sa mirë”.
