Një 36-vjeçar shqiptar është arrestuar nga policia greke pasi dyshohet se prej vitit 2013 ka abuzuar seksualisht me vajzën e partneres, me të cilën bashkëjetonte.
Mediat greke shkruajnë se abuzimi seksual me të miturën ka nisur kur ajo ka qenë 14 vjeçe.
Ndërsa së fundmi, shqiptari e ka kërcënuar se do t’i publikonte video intime të saj në internet.
Në pranga ka rënë edhe 50-vjeçarja shqiptare me të cilën i akuzuari për përdhunim bashkëjetonte.
36-vjeçari u denoncua nga vajza tashmë 25-vjeçare, e cila dëshmoi se deri në moshën 18-vjeçare e ka rrahur dhe përdhunuar.
Veç kësaj, viktima tregoi se makthi filloi në vitin 2013, kur ajo ishte 14 vjeç. Në fakt, vajza dëshmoi se sa herë që ai abuzonte seksualisht me të, ajo përdorte drogë.
Ndonjëherë ai i jepte vajzës para dhe dhurata që ajo të heshte, ndërsa në të njëjtën kohë kërcënonte se do t’i publikonte aktet e pahijshme në internet.
Pas kontrollit në pronë dhe në banesën e dy të arrestuarve u gjetën dhe u konfiskuan: 1505 gram kanabis, pistoletë, 4 thika, shuma prej 18 275 euro,3 peshore precize dhe 3 celularë të cilat u sekuestruan në cilëninë e provës materiale.
