Policia e Malit të Zi ka reaguar në lidhje me lajmin e publikuar nga media serbe Kurir se gjatë mbrëmjes, në një diskotekë në Budva u sulmua, Dritan Abazoviç, kryeministri i Qeverisë Teknike të Malit të Zi.
Sipas kësaj mediaje, sulmi ndaj Abazoviç ka ndodhur gjatë performacës së Dino Merlin në diskotekën Top Hill, ndërsa në ato momente është krijuar një kaos, duke shtuar se u hodh gaz lotsjellës dhe Abazoviç u evakuua.
Policia malazeze njofton se ngjarja nuk ka lidhje me kryeministrin dhe as nuk është kërcënuar në asnjë mënyrë siguria e tij.
Sipas policisë konflikti fizik ka ndodhur mes dy grupeve të të rinjve, por pa pasur lidhje me Abazoviç, pasi ky i fundit kishte dalë nga diskoteka në momentin që ka ndodhur ngjarja.
