Drejtori i Fondacionit “Rockfeler Brothers” Haki Abazi po kërkon zhvarrimin e kufomës së ish-Presidentit të Kosovës, Ibrahim Rugova.
Ai thotë se vdekja e Rugovës bëhet e dyshimtë, pasi skena politike në vend ka pësuar ndryshime radikale pas vdekjes së tij.
“Normalisht, vdekja e një njeriu me kaq rëndësi të madhe historike, duke i paraprirë proceseve drejt pavarësimit të vendit, lë hapësirë për dyshime. Vdekja e tij bëhet e dyshimtë, pasi ndodhi pas ngjarjeve të vitit 2004 dhe para shpalljes së Pavarësisë”-, ka thënë Abazi, transmeton Rrokum,TV
Këto pretentime i kundërshton një ndër shoqëruesit e Presidentit Rugova, Adnan MeRovci, i cili i quan “teori konspirative”
“Unë nuk u besoj këtyre gjërave, sepse Rugova e ka bërë punën e vet dhe e ka kryer misionin. Tash na mbetet neve që të punojmë,” ka thënë Merovci.
Ibrahim Rugova ka vdekur më 21 janar 2006. Sipas raporteve të mjekëve ka vdekur nga kanceri në mushkëri.
