Sipas kursit zyrtar të këmbimit të Bankës së Shqipërisë, euro, dollari poundi britanik, franga zvicerane, jeni japonez etj, kanë regjistruar rritje të vlerës së këmbimit me lekun. 1 euro këmbehet me 138.00 lekë, 0.09 lekë më shumë në raport me një ditë më parë. Ndërsa dollari ka mundur të forcohet pas një dobësimi gjatë 3-4 ditëve të fundit. 1 dollar këmbehet me 127.60 lekë, 0.61 lekë më shumë kundrejt së hënës. Sipas Bankës Qendrore, edhe poundi britanik, franga zvicerane, jeni japonez kanë forcuar pozitat e këmbimit me lekun përkatësisht në nivelet 0.32 lekë, 0,51 lekë dhe 0.04 lekë më shumë se një ditë më parë.
Ekspertët bankar shprehen se dominimi i vlerave të valutave në këmbim me lekun është i pritshëm çdo fund viti. Por sipas tyre, treguesit e këmbimit valutor luhaten brenda parametrave të BSH-së, ndërsa tregu vendas vazhdon të reflektojë ecurinë në bursat ndërkombëtare dhe tregjet e huaja.
