Kjo është pyetja që bëjnë shumë qytetarë sot për ngjarjen e rëndë në Bllok, ku u përplasen grupe të drejtuara nga Ervin Mata dhe Ervis Martinaj, ky i fundit person i njohur për drejtësinë. Kjo pyetje iu bë edhe gazetares Klodiana Lala, e cila tha se “grupet kriminale shpesh përdorin figurat publike”.
Ngacmimi që i është bërë këngëtares nga grupi i Ervis Martinit mund të jetë bërë për të nxehur gjakrat, por do të jetë hetimi që do të hedhë dritë për këtë konflikt që u kthye në masakër.
“Një nga bandat më të fuqishme në Durrës është shkërrmoqur pasi një vajzë që u bë dëshmitare e drejtësisë zbardhi gjithçka për mënyrën si funksiononte banda”, tha gazetarja Klodiana Lala.
Grupi i hetimit përbëhet nga drejtuesja e Prokurorisë së Tiranës, Elisabeta Imeraj dhe prokurorët Artan Lumaj dhe Kreshnik Ajazaj. Gjithashtu janë edhe specialistët më të mirë të kriminalistikës në Drejtorinë e Policisë. “Do shihen aktet e ekspertimit, tabulatet telefonike, kamerat përreth lokalit, dëshmitë e personave të përfshirë, etj. për të zbardhur motivin e vertete të konfliktit”, tha Lala.
Ervin Mata
Ervis Martinaj
