Artur Bushi, Kryetari i Bashkisë së Krujës do të jetë subjekt i një hetimi nga Prokuroria e Përgjithshme për të kaluarën e tij jashtë vendit tonë.
Në një njoftim të shpërndarë për mediat, organi i akuzës mësohet të ketë kërkuar nga KQZ -ja, që të kryejë verifikimin paraprak, të asaj çfarë ka deklaruar Bushi në formular.
Burime nga Prokuroria konfirmojnë se partnerë ndërkombëtar kanë sjellë informacione për të kaluarën e Bushit, ku ai rezulton të ketë qënë i dënuar tre herë.
Prokuroria thotë se është në pritje të materialit nga KQZ dhe më pas do të vazhdohet me hapat e tjera që parashikon ligji për Dekriminalizmin.
Ndërkohë struktura e Dekriminalizmin, pranë Prokurorisë së Përgjithshme po kërkon informacione për kallëzimin e bërë nga disa deputetë të Partisë Socialiste, për kolegun e tyre demokrat Flamur Noka.
Për Prokurorinë, materiali që i është bashkangjitur kallëzimin nuk mund të merret si provë, pasi është i paqartë.
Për këtë do të kërkohet infomacion shtesë nga institucione të tjera.
Ndërkohë për hetimin që po kryhet për Elvsi Rroshin i është dërguar një shkrëse Interpolit, për të kërkuar informacion për të kaluarën e tij.
