Mbrëmjen e djeshme u krye një vrasje. Një tjetër ngjarje e rënde kriminale. Ajet Zeqaj mbeti i vrarë. Nuk dihet ende dinamika e plotë që ka sjellë vrasjen. Nuk dimë pse një njeri që endet akoma i lirë do të vriste i maskuar në një prej zonave më të populluara të Tiranës.
Kush është ky individ i cili qënka kaq trim dhe i sigurtë në aftësitë e tij se mund të vrasë dhe të mos pikaset? Sa të sigurt duhet të ndihemi më një vrasës që qarkullon i lirë nëpër qytet. Sa të sigurtë duhet të ndihemi nëse paramendon se mund të kishe qënë pranë viktimës dhe të vriteshe aksidentalisht?
Këto janë ngjarje që ndodhin edhe në vende të tjera të botës. Ndryshimi është se autoritetet garantojnë më shumë qetësi qoftë edhe psikologjike për njerëzit duke dhënë informacioni të besueshme se janë në ndjekje të autorit. Dukë treguar se po hetojnë sikurse duhet.
Duke mos treguar të dhëna hetimore sepse ato afërmendsh nuk duhet të dekonsiporjnë hetimet. Por policia dhe strukturat duhet patjetër të japin idicie të besueshme se janë në rrugën e duhur drejt gjetjes dhe identifikimit të autorit.
Pse nuk bëhen publike kamerat e sigurisë që mund të kenë filmuar autorin sepse të gjithë mund të kontribuojnë sadopak, sikurse policia u kujtua të bente publike pamjet e grabitjes së një taksisti kur ngjarja kish ndodhur në muajin nëntor të vitit të kaluar.
Ajo që njerëzit duan është garanci, siguri dhe një vrasës më pak në këtë qytet ku tashmë edhe vrasjet po kthehen në një rutinë ngjarjesh për të marrë ne rastin më të keq vetëm klikime në internet.
