Deputetja e Parisë Socialiste Mimoza Hafi, “paralajmëron” largimin e saj nga partia në pushtet dhe nuk përjashton mundësin e angazhimit të saj në një parti të re nëse do kishte, por kjo është e vështirë në kushtet aktuale.
Kështu ka deklaruar deputetja majtiste në lajmet e “Ora News”, teksa ishte e ftuar për të folur për takimet me përfaqësuesit e partive të majta evropiane.
“Ka një javë që na është kërkuar ky takim. Është propozuar nga ana e delegacionit. Në dijeninë time kanë pasur një vizitë njëditore dhe kishin parashikuar një takim me atë grupim brenda Partisë Socialiste. Ne na vlerësuan si një grup që po mbajmë gjallë debatin brenda Partisë Socialiste dhe partive politike në Shqipëri. Ky ishte një delegacion i një forumi të rëndësishëm të partive të majta”, theksoi ajo.
Nga ana e delegacionit pati pyetje. Ata me siguri janë të informuar dhe janë të çuditur se si mund të ndodhin brenda një partie evropiane praktika të tilla, gjë që u shpreh qartas gjatë takimit. Në fund të takimit, ishte ajo shprehja që më gëzoi shumë; mos hiqni dorë nga kjo betejë!”, shtoi ajo./Express
