Uniforma historike e Kombëtares së Futbollit për “Euro 2016” është konsideruar si një nga fanellat më të pëlqyera. Kjo është pasqyruar në disa sondazhe të realizuara nga media të ndryshme botërore.
Fanella e re, mbart mbi vete elementët tanë kombëtarë, të sjellë në mënyrë moderne, por pa humbur aspak identitetin e saj.
Pas fitores historike ndaj Rumanisë, në ngazëllimin dhe entuziazmin e përgjithshëm kolektiv, u bë i ditur një fakt i jashtëzakonshëm.
Ideja për imazhin e fanellës së Kombëtares ishte dhënë nga Kryeministri i Shqipërisë, Edi Rama.
Në një intervistë për Klan Kosovën, Kryeministri Rama për herë të parë shpjegon rrethanat që sollën tek ideja e stilizimit të shqiponjës, por edhe për efektin e përgjithshëm pozitiv shoqëror.
Mirëpo, për të arritur deri tek stilizimi i fanellës së Kombëtares Shqiptare të Futbollit është realizuar edhe një konkurs për idenë më të realizuar. Në atë konkurs morën pjesë katër fanella të ndryshme, ku mes tyre u zgjodh vetëm një model, e frymëzuar nga gurra e identitetit tonë kombëtar. Pyetja është: Cilën nga fanellat ka dizenjuar kryeministri Rama?
Kur dihet mjaft mirë se studio që u shpall fituese për idenë më të bukur, ishte një shqiptare e quajtur PIK Creative.
Nga fotot e publikuara në faqen e saj në facebook, vihet re mjaft qartë, se nga nisi ideja e kësaj fanelle. E thënë ndryshe, çfarë detajesh frymëzuan këtë studio për të arritur deri në pikën përfundimtare të realizimit të saj.
Për më tepër, shikoni detajet e mëposhtme:
