Në një konferencë për mediat të mbajtur ditën e sotme, ish-kryeministri Sali Berisha, u pyet nga gazetarët nëse vetë Berisha po e dëmton PD-në për zgjedhjet e ardhshme.
Berisha deklaroi se nuk po e dëmton PD-në, por po e mbron atë kundër një procesi politik të shëmtuar.
Pyetje: Pse ju nuk e zhvilloni këtë betejë që keni si Sali Berisha vs SPAK, por e zhvilloni si PD vs Drejtësia. A e dëmtoni ju kështu partinë Demokratike për zgjedhjet e 2025-ës?
Sali Berisha:Si mund ta dëmtoj unë PD kur po e mbroj atë kundër një procesi të shëmtuar politik të programit të saj?! Si mund ta dëmtoj? Përkundrazi, PD është dhe do mbetet trashgimtare dhe krenare e të gjitha këtyre reformave që ndryshuan Shqipërinë. E kam gjithçka parimore, programore që përballet me një persekutim politik të paimagjinueshëm. Të thuash ti se letrat me vlerë i futa në përdorim për dhëndrin tim, nuk ka marrëzi si kjo, ato kanë filluar të përdoren në 1995.
