TIRANE- Kryeministri Rama e la të hapur mbrëmë mundësinë për ndryshime në Qeveri. Duke folur tek emisioni i Rudina Xhungës “Dritare”, ai tha se ministrat kanë punuar mirë, por kjo nuk do të thotë se s’ka lëvizje. Në fakt për herë të parë, e la të hapur këtë mundësi, pasi më parë ishte shprehur kategorik, kundër ndryshimeve.
Pjesë nga intervista mbrëmë me Rudina Xhungën
Të flasim për ndryshimet në qeveri, nuk do të ketë, ju ngulmoni për këtë?
E kam thënë dhe e përsëris se nuk besoj te teoria e reformatimeve. Është një teori që nuk e besoj, ndërkohë që nuk ka asnjë tabu, nuk ka asnjë ministër që mund të rrijë që nuk e justifikon punën.
Të gjithë e kanë justifikuar punën?
Patjetër, e kanë justifikuar plotësisht punën e tyre. Por kjo është një gjë që duhet të ndodhë çdo ditë, nëse do të ketë ndryshime, nuk do të ketë reformatime nga ana ime, sepse nuk i kam kuptuar asnjëherë edhe kur i kam parë që i kanë bërë të tjerët që janë gjithnjë të lidhura me ekuilibra politikë të brendshëm të maxhorancave, të partive, por që nuk sjellin asnjëherë atë që mendohet. Ndërkohë që çdo ministër ka detyrat e veta, afatet e veta për të kryer detyrën dhe janë pjesë e një ekipi.
Atëherë, ata nuk qenkan nën presion, nuk do të ikin?
Mos u mërzit…
