Vetëm pak muaj më parë Beyonce solli në jetë binjakët e saj Sir dhe Rumi. Por në kaq pak kohë këngëtarja është rikthyer në formën e saj më të mirë. Të gjithë nënat që kanë sjellë në jetë një fëmijë, e dinë sa e vështirë është rikthimi i trupit në formë, por duket se për Beyoncen ka qënë shumë e lehtë.
Ajo u paraqit në një event bamirësie mbrëmjen e së martës në Neë Jork dhe dukej mahnitëse. Veshur me një fustan ngjyrë smeraldi, i cili rrinte pas trupit, vështirë të besoje se Beyonce nuk ka shumë kohë që ka lindur dy fëmijë.
36-vjeçarja u komentua disa muaj më parë për kilet e tepërta nga disa foto të publikuara nga njerëzit në rrjetet sociale. Duket se ajo periudhë nuk zgjati shumë për këngëtaren.
