Fluksi i madh i refugjatëve në territorin gjerman është shoqëruar shpesh me frikën për përhapjen e epidemive ose sëmundjeve brenda vendit. Vazhdimisht ekipet mjekësore gjermane janë munduar të monitorojnë situatën brenda kampeve dhe së fundmi është arritur në një studim ekzaminues.
Por këto janë mohuar së fundmi nga Kryetari i mjekëve gjermanë, Frank-Ulrich Montgomery, në një koment për prestigjiozen gjermane Die Welt.
Sipas tij, refugjatët në Gjermani nuk mbartin sëmundje kronike dhe ngjitëse, dhe nuk mund të jenë shkak për epidemi.
“Refugjatët nuk bartin me vete asnjë sëmundje ngjitëse dhe nuk vijnë as njerëz me sëmundje kronike”, ka thënë mjeku.
