Menjëherë pas publikimit të lajmit se Policia e Shtetit ka në zotërimim të saj një paisje, në pamje të parë, është krijuar përshtypja se mes policisë dhe prokurorisë ka plasur “sherri” se mund të jenë përgjuar persona pa miratim të saj.
Ndërkaq, prokuroria ka kërkuar të sekuestrojë pajisjen e futur pa doganë dhe fshehur në Shqipëri nga Italia, gjë që mendohet se është përdorur nga policia.
Mirëpo, bëhet me dije se problemi nuk është thjeshtë dorëzimi në prokurori të kësaj pajisje të sofistikuar të përgjimit të mesazheve dhe bisedave nëpërmjet aparateve celularë, por siç thuhet, shqetësimi për policinë është se nëse merret në prokurori për ta verifikuar mund të dalin gjurmët e telefonatave e bisedave në të gjitha rrjetet sociale të personave që janë vënë në përgjim pa lejen e gjykatës apo prokurorisë, raporton Koha Jonë.
Në pajisjen në fjalë, sado të lodhesh për të fshirë gjurmët, ajo ka një hapësirë që ruan çdo veprim të bërë nga ajo.
Mendohet se me anë të kësaj pajisje është përgjuar Kryeprokurori Adriatik Llalla, Presidenti, Nishani Kryeparlamentari Meta dhe ish-kryeministri Berisha dhe një varg politikanësh dhe zyrtarësh të LSI.
Gjurmët dhe faktet janë brenda kësaj pajisje e cila nuk po dorëzohet ende.
Bëhet me dije se specialistët italianë po fshijnë gjithçka dhe pastaj t’a dorëzojnë.
Duhet me pas specialistë të FBI apo CIA që t’i gjejnë gjurmët e përgjimit, gjurmë që duken se nuk do të dalin kurrë.
Por dosjet e përgjimeve janë diku, në një zyrë në bulevardin “Dëshmorët e Kombit” ku kërpudha ngrë kokë gjithë krenari për çka ndodhet në sirtarët e dosjes së kësaj ndërtese.
