Mes gjithë misterit rreth objekteve të paidentifikuara që fluturojnë mbi Shtetet e Bashkuara dhe Kanada, zyrtarët e Shtëpisë së Bardhë theksuan të hënën se nuk ka prova që sugjerojnë se janë të përfshirë alienët.
Ushtria amerikane rrëzoi tre objekte të paidentifikuara të premten dhe gjatë fundjavës, përveç balonës së dyshuar të spiunazhit kinez të rrëzuar javën e kaluar.
Ndërsa zyrtarët dhe ligjvënësit vazhdojnë të ngrenë pyetje, me pak përgjigje të disponueshme deri më tani, spekulimet kanë filluar të vërtiten për përfshirjen jashtëtokësore.
Sekretarja e shtypit Karine Jean-Pierre tha se ashtu si të gjithë edhe ajo e pëlqente filmin E.T. dhe siguroi popullin amerikan se nuk asnjë të dhënë për jetë përfshirje te alienëve.
Ndërsa njoftimi i saj shkaktoi të qeshura mes gazetarëve — Jean-Pierre tha se ndjente të nevojshme të qetësonte amerikanët.
Zëdhënësi i Këshillit të Sigurisë Kombëtare të Shtëpisë së Bardhë, John Kirby, duke dalë në podium pas, Jean-Pierre tha gjithashtu me një buzëqeshje: “Faleminderit që e sqarove këtë, e bën punën time më të lehtë”.
Sqarimi i tyre vjen pasi gjenerali i Forcave Ajrore që mbikëqyr hapësirën ajrore të Amerikës së Veriut nuk e hodhi poshtë idenë në një konferencë të së dielës me gazetarët, kur u pyet për potencialin e origjinës jashtëtokësore.
“Unë do të lejoj komunitetin e inteligjencës dhe komunitetin e kundërzbulimit ta kuptojnë këtë. Nuk kam përjashtuar asgjë,” tha gjenerali Glen VanHerck, kreu i Komandës së Mbrojtjes Ajrore të Amerikës së Veriut (NORAD).
