Kryetari i Partisë Demokratike zyrtare, Lulëzim Basha ka marrë fjalën në Kuvend, pas pesë muajsh anormalitet, duke u shprehur se sot teksa dëgjon fillimin e kësaj seance, harron atë që ka ndodhur gjatë këtyre 6 muajve.
“Teksa dëgjon fillimin e kësaj seanca harron 6 muaj, a ishin këta more, apo ishin të tjerë? Por gjithsesi për shqiptarë rëndësi ka një parlament funksional, pyetja është çfarë çmimi kanë paguar shqiptarët për të arritur deri këtu. Çmimi është i paimagjinueshëm. Këtë vit siç me te drejtë krenohet taksavënësi më i madh në historinë e vendit 7 miliard euro do të dalin nga xhepat e shqiptare, por se si do të shpërndahen këto para, ne nuk patëm shansin ta diskutojmë.
Dëmi më i madh është ai që nuk duket, ndonëse sot, pas një viti vendi do të jetë në fushatë Kodi zgjedhor është sakrifica më e madhe në emër të këtyre 6 muajve denormalizim. Sot kam një thirrje, hiqni dorë nga tuaja të ngushta partiake. Jepuni shqiptarëve një komision të reformës zgjedhore dhe mos përsërisni skandalin e 2008. Thirrja ime është të shprehemi me zë dhe me votë për diçka që çdokujt që i dhimbset ky vend, gjithçka nis me reformën zgjedhore, për shqiptarët”, -tha Basha nga foltorja e Kuvendit.
