PRISHTINE- Kishte dyshime për mënyrën se si deputetët e opozitës arritën të hynin në një sallë të ashtuquajtur rezervë, ku mazhoranca diskutonte për buxhetin. Parlamenti ruhej me polici dhe ishte penguar hyrja e deputetëve të opozitës, por një orë pasi kishte nisur seanca tre deputete të VV hyn brenda dhe hodhën sërish gazin lotsjellës. Gazeta Express shkruan se ka negociuar zyra e BE në Kosovë për hyrjen e deputetëve të opozitës në këtë seancë.
Kryeparlamentari Veseli ka shkuar t’i marrë deputetet Time Kadriaj, Valdete Bajrami dhe Besa Baftiu. Kjo e fundit ka hedhur gazin sapo është futur në sallë.
Gazetës Express referuar burimeve të saj thotë se ka qenë Zyra e Bashkimit Europian që ka kërkuar që deputetët nga radhët e opozitës të jenë të pranishëm në sallën ku ka vazhduar seanca e Kuvendit pasi në sallën kryesore është hedhur gaz lotsjellës.
