Pas arrestimit të zyrtarëve dhe ish-zyrtarëve në Bashkinë e Tiranës, kryebashkiaku Erion Veliaj ka treguar nëse është thirr apo jo nga SPAK.
Gjatë një interviste në “Top Channel”, Veliaj tha se nuk është thirrë nga SPAK, por theksoi se do të shkonte nëse do të thirrej.
“Kurdo që më thërrasin, jam i gatshëm. Askush nuk më pyeti. SPAK është organizatë shtetërore, patjetër do shkoj. Nuk më kanë thërritur, nëse më thërrasin patjetër që do shkoja se është i shtetit tim’-tha Veliaj në Top Story.
Kryetari i bashkisë tha se ka bashkëpunim të fortë me prokurorinë, dhe këtë mund ta vërtetojë drejtësia.
“Bashkëpunim total me prokurorinë. Kthejmë përgjigje rekord të plota. Ndonjëherë çojmë më shumë seç duhet. Zelli për bashkëpunim nuk duhet vënë farë në dyshim. Është gjykata që i vërteton këto. Sot ka pafundësi akuzash, deri më sot shumica janë rrëzuar ose mbyllur. Nëse është e vërtetë do marrin dënimin e merituar. Në bashkinë e Tiranës zhvillohen 1 mijë procedura, 30 ditë në ditë. Ka një gamë të gjerë, edhe prokurorë janë qytetarë të këtij qyteti, në orarin e punës, detyra e tyre është në të gjitha institucionet është të shohin shkeljet, detyra ime është bashkëpunimi. Në këto 10 vite ka pasur tërmet drejtësia”-shtoi Veliaj.