Klea Huta është një nga personazhet më të dashur të publikut shqiptar. Jemi mësuar të shohim në spektakle të ndryshme, evente, apo edhe në skenë. Por Klea Huta është është një aktore dhe këngëtare e njohur tashmë. Këtë fundjavë, kjo vajzë e suksesshme, e talentuar dhe e bukur, vjen në një rrëfim ndryshe në emisionin “Chic” në “Neës24”, duke na treguar për pasionet e saj, dëshirat, por edhe jetën personale.
E kur vjen puna tek kjo e fundit, gjatë verës që lamë pas, kanë qenë jo pak lajmet rozë për Klean. Portalet në muajt e verës nuk janë marrë vetëm me pjesën e aktrimit apo “Maratonën e këngës Popullore”, e cila është prezantuar nga Klea, por ato janë marrë më së shumti me një histori personale të saj.
Ka qenë pikërisht një foto ku ajo shfaqej përkrah muzikantit Elgit Doda shkak për “zërat” e shumtë, se të dy bashkë mund të ishin në një lidhje dashurie. E një fakt të tillë, asnjë prej tyre nuk e ka konfirmuar, por as mohuar.
Ke qenë në qendër të vëmendjes këtë verë, fejesa po, por t’i hapësh portalet sot dashuria jote më e fundit mbush faqet. Kush janë të vërteta? Nuk e keni përgënjeshtruar asnjëherë lajmin e lidhjes me Elgit Dodën?
Vërtetë, si na ka shpëtuar. Ata kapën një foto që realisht në ishim për punë në jug të Shqipërisë, ishim bashkë me persona të tjerë në tavolinë të cilët nuk janë kapur për arsye kamuflazhi. Dy njerëz që hanë darkë jo domosdoshmërisht janë të lidhur. Portalet i qëndisin gjerat siç duan, jemi bashkëpunëtor shumë të mirë.
Të shqetësojnë këto portale? Ka shumë vajza në Shqipëri që i përkasin botës së shoë bizz-it, që i përdorin ato në favor të tyre. Ti je përpjekur t’i përdorësh në favorin tënd?
Për pjesën personale asnjëherë nuk kam dashur as të jap apo as të marr “feedback”. Kam dashur gjithmonë të jem empirike në këtë pjesë se e kam shumë të shenjtë. Asnjëherë nuk e kam folur dhe asnjëherë nuk do e flas, më vonë se di por për momentin jo.
Përsa i përket pjesës artistike që unë aty dua të flitet dhe aty dua të shkruhet për Klean, aty po ka qenë vërtetë përfituese në kuptimin e mirë të fjalës.
