Pas shkarkimit të Jose Mourinhos, Chelsea ka filluar menjëherë të gjejë zëvendësuesin e portugezit
Mediat britanike e ato spanjolle, raportojnë se klubi londinez tashmë ka filluar negociatat me trajnerin e Atletico Madridit, Diego Simeone.
Mourinho e përfundoi vitin e tij të dytë në Londër në mënyrë shumë të mirë, duke fituar dy tituj dhe duke krijuar një skuadër të fuqishme, por këtë sezon ndodhi e papritura. Pas vetëm 16 xhirove në Premierligë, edhe përkundër se janë po të njëjtit lojtarë që u shpallën kampion edicionin e kaluar, kanë pësuar nëntë humbje, gjashtë më shumë se gjithë edicionin e kaluar.
Kjo ka bërë që drejtuesit e Chelseat t’i japin fund bashkëpunimit me ish trajnerin e Real Madridit.
Tani tabloidi britanik “Daily Mail” ka raportuar se Diego Simeone, është në pole pozicion për të parin e Chelseat.
Nëse ‘Blutë e Londrës’ duan argjentinasin, ata duhet t’i paguajnë plot 15 milionë funte Atleticos për Simeonen, që ky i fundit ta shkëpusë kontratën me klubin nga Vicente Calderon.
Brendan Rodgers, Pep Guardiola, Juande Ramos dhe Guus Hiddink, janë dy kandidatët tjerë të mundshëm për ta zëvendësuar Jose Mourinhon te Chelsea. /Express/
