TIRANE- Pak ditë pas atentatit me një viktimë dhe dy të plagosur në Fier, policia vuri në pranga Ilir Memushajn si autor të dyshuar. Ndërsa sot akuza ngre akuzë tjetër ndaj tij, atë bashkëpunimit në krim. I arrestuari (personi në foto) ka mohuar gjithnjë përfshirjen në këtë ngjarje.
Sipas organit të akuzës, Ilir Memushaj, dyshohet se ka ndihumuar atentatorët për ekzekutimin e Denis Kasës dhe plagosjen e dy shokëve të tij, Klemend Kastrati dhe Elton Margariti, në segmentin lidhës mes Mbrostarit dhe autostradës Lushnje – Fier.
Prokuroria ka ngritur dyshime se Memushaj i njeh autorët e krimit, të cilët mendohet se i ka ndihmuar për të kryer vrasjen duke i zënë rrugën makinës së viktimave me mjetin e tij të marr me qira të llojit “Audi A4” ngjyrë e zezë.
Ky dyshim, burimet thonë se është përforcuar edhe nga dëshmia e dy të plagosurve të cilët gjatë marrjes në pyetje kanë përshkruar llojin e mjetit që i kishte zënë rrugën, për t’i lehëtësuar punë atentatorëve.
Përveç këtyre fakteve, prokruoria thotë se Memushaj provohet se ka qenë në vendin ne ngjarjes në momentin e vrasjes pasi kompanit e telefonisë lëvizese identiofikojnë qelizat e telefonit në tij personal në atë zonë.
Pavarësisht këtyre të dhënave, burimet nga prokuroria thonë se Ilir Memushaj ka dhënë dy herë shpjegime për ngjarjen, duke mohuar në mënyrë kategorike se ka qenë në vendin e ngjarjes në momentin e ekzekutimit.
Ai gjjithashtu ka mohuar edhe njohjen me viktimat, por që për hetuesit deklarimet e tija janë kontradiktore çka lind dyshimet se ai nuk pranon të flas.
Nga ana tjetër, burimet thonë se janë dy pista hetimore ku është përqendruar policia dhe prokuroria për të zbardhur atentatinu e mbrëmjes së 8 janarit.
Hetuesit dyshojnë se një nga pistat hetimore, është ajo e atentatit ndaj Klement Kastratit për arsyen e hakmarrjes, pasi është përfshirë në një ngjarje të vjetër kriminale. Si dhe dyshimet për rrjetin e trafikut të drogës në Spanjë, mes viktimës dhe autorëve të këtij atentatit që ende nuk janë identifikuar nga policia dhe prokuroria.
Ngjarja për të cilën është arrestuar Memushaj ka ndodhur mbrëmjen e 8 janarit ku në një prit të organizuar në segmentin lidhës mes Mbrostarit dhe autostradës Lushnje – Fier, ku si pasoj e të shtënave me automatic kanë gjetur vdekjen Denis Kasa dhe janë plagosur dy shokët e tij, Klemend Kastrati dhe Elton Margariti.
