Klemend Balili është drejtor i Transportit në Sarandë. Mediat greke e lidhin emrin e tij sot me një aktivitet të madh kriminal, që nëse vertetohet do të ishte në kufijtë e një skandali.
Bëhet fjalë për një rrjet të madh të trafikut të drogës që është kapur në Greqi para pak ditësh. Mediat greke sot publikuan disa të dhëna, ku thuhet se “Eskodari i Ballkanit”, koka e bandës, është një zyrtar nga Saranda, i denoncuar edhe nga PD-ja dy vite më parë për trafik droge. “Eskobari i Ballkanit është një zyrtar nga Saranda”
Pas lajmit në “Ekathimerini”, ka reaguar deputeti demokrat Genc Pollo.
Ai ka postuar në rrjetet sociale deklaratën e PD të 18 Majit të vitit 2014, ku denoncohej Balili për drogë.
Citojmë deklaratën e bërë nga Ristani 2 vite me parë: “Edi Rama ka treguar me të vërtetë vendosmëri në përfshirjen në administratë të këtyre personazheve, që shpesh kanë bërë bujën e kronikës së zezë në vend. Klemend Balili është arrestuar ne korrikun e vitit 2006, me 750 kilogramë kanabis. Aksion i suksesshëm i policisë në atë kohë, pasi i arrestuari dyshohej se drejtonte një klan kriminal në Sarandë e përreth. Sot, Edi Rama, njeriun e 750 kilogramëve kanabis, e ka bërë Drejtor të Drejtorisë Rajonale të Transportit në rrethin e Sarandës”.
Kjo çështje po hetohet në Greqi atje ku është kapur droga dhe disa anëtarë të bandës. Ende nuk ka asnjë informacion nga Drejtoria e Policisë nëse këto hetime janë shtrirë edhe në Shqipëri. /Opinion.al
Ekathimerini: Drug kingpin allegedly linked to Albanian government
*Klemend Balili, drejtor Transporti Sarande
