Gazetari Artan Hoxha është takuar ditën e sotme në Pragë me Ballist Morinën, shqiptarin që ngriti flamurin e Shqipërisë së Madhe me dron në stadiumin e Beogradit.
Ata janë takuar së bashku para ndeshjes Çeki-Shqipëri që u luajt në stadiumin “Fortuna Arena” të Pragës.
Hoxha shkruan se nuk ka informacion se si ka hyrë Morina në Çeki, kur autoritetet serbe vijojnë ta kërkojnë për ngritjen e flamurit shqiptar në Beograd.
“A e mbani mend këtë personazh???!!!
Njeriu i dronit me flamurin e Shqipërisë Etnike mbi stadiumin e Beogradit…
Në stadiumin “Fortuna Arena” të Pragës,
me Ballist Morinën…
Nuk e di nga “dreqin” ka ardhur dhe si ka hyrë në Çeki, por zyrtarisht vazhdon të jetë në kërkim nga Interpoli, pas urdhër-arrestit që vazhdon të mbetet ende në fuqi nga autoritetet Serbe.
O sa mirë me qenë shqiptar…”, shkruan gazetari.
