Një gjetje e pazakontë mund të quhet idea e deputetes së opozitës kosovare, Albulena Haxhiu, për të fshehur gazin lotësjellës në organet gjenitale. Lajmi i cili u publikua fillimisht nga gazeta Express, i referohet pamjeve origjinale të marra nga QKUK, e cila i jep fund dilemës se si hyri gazi lotsjellës në sallën e Kuvendit të Kosovës.
Për ta vërtetuar këtë gjë, Express ka sjellë nga Spitali i Prishtinës edhe skanimet e trupit të Albulena Haxhiut, ku mbi to shkruhet edhe emri i deputetes, ku në organet gjenitale dallohet një bombol gazi lotsjellës
“Ka qenë një ditë mjaft e rëndë”, tregon një mjek nga QKUK, i pranishëm në momentin e shtrimit të deputetes në spital.
“Pacientja ishte e traumatizuar dhe e frikësuar. Ndërsa brenda sallës po shtyheshin policët dhe familjarët”, tregon mjeku.
“Mjekët u kanë thënë familjarëve që nëse nuk besonin atëherë mund edhe të largoheshin bashkë me pacientin”, tha mjeku duke treguar se u ishte sosur durimi.
“E vërteta është se brenda trupit të deputetes është gjetur një objekt”.
Në këtë mënyrë duket se përfundon edhe enigma e futjes se gazit lotsjellës. Ajo, sipas të gjitha gjasave, është bërë përmes femrave deputete, pohon Express.
Reagimi i Albulena Haxhiut
Por deputetja Albulena Haxhiu ka mohuar faktin që gazin lotësjellës e ka fshehur në organet gjenitale.
Deputetja nga radhët e Vetëvendosjes. ka thënë në Interaktiv , se në kohën kur është ndaluar nga sigurimi, me vete ka pasur bombolë të gazit lotsjellës.
“Gazin lotsjellës e kisha në brez. Kam dalë nga salla e Kuvendit për të shkuar në zyrën e Grupit Parlamentar të Lëvizjes Vetëvendosje për t’u pajisur me gaz lotsjellës”, tha ajo.
