Shumë shpejt një marke e re do ti shtohet tregut të makinave.
Ajo do të shenjojë markën “Made in Ghana” dhe është bërë realitet vetëm nga një njeri, i cili thotë se nuk e trembin vështirësitë e kësaj sfide.
Kwadwo Safo, shef ekzekutiv i grupit Kantanka, që prodhon mjete inxhinjerike në Ganë të Afrikës Perëndimore, thotë se “Sfida më e madhe janë njerëzit që nuk besojnë te makinat”.
Për të provuar se modeli i makinave që ai do të prodhojë ia vlen për kushtet lokale të Ganës, i testoi makinat për herë të parë me policinë e vendit.
“Policët e testuan makinën dhe e panë se vetëm ajo mund t’i përballojë rrugët e vështira të Ganës”, tha shefi.
Ai shpreson që marka e tij të shtrihet një ditë në mbarë botën, me argumentin se përballon vështirësi të terrenit malor e shkëmbor.
