Në një kohë kur flitet për distancim të politikës nga administrata publike, një rast tregues se politika e ka të pamundur të dalë nga zyrat shtetërore, vjen nga Institucioni i Postës Shqiptare.
Zëvendësdrejtori i Postës Shqiptare, Entel Agolli, deklaron hapur mbështetjen e tij për Partinë Socialiste. Vetë ai ka postuar në profilin e tij në facebook një foto ku dallohet slogani i FRESSH, organizatës rinore eurosocialiste, prapa shpinës së Agollit, në murin e zyrës.
Në profilin e tij vihet re simpatia e madhe për Deputetin Sadri Abazi dhe Kryetarin e Bashkisë Tiranë, Erion Veliaj, me të cilët shfaqet tepër i afërt.
